1- Karlistadak laburzki eta klarki azalduak:
Jean-Clauden galdeak eta Mariaren erantzunak
1- Karlisten eta Liberalen arteko diferentzia?
2- Zer dira foruak?
3- Noiz galdu ziren foruak?
2- Bideoak
Ez dakitenentzat:
Pantaila handitzen ahal da behereko bi geziak klikatuz.
Hala beharrean bideoa geldi daiteke: bi marra xuriak klikatuz
1- Zumalakarregi : Ahal bezalako argazkiak.
2- Igartubeiti
3- Tren zubi_Larraitz-Gain_Altzo :
4- Muñagorriren bertsoak:
Peioren artikulua Herria kazetan:
Goierriko altxorrak
Duela bi aste Euskaltzaleen Biltzarrak Goierrira gidatu ditu bere kide eta lagun euskaltzaleak. 22 herri kokatzen dira Goierrin (Gipuzkoa), orotara 70.000ko bat biztanlerekin. Herri bakoitzak merezi luke bisita.
Ormaiztegin trenzubi eta museo
Hautu bat egin behar-eta, Ormaiztegi dugu lehenik bisitatu. Irizar autobusak ekoizten eta mundu zabalera saltzen dituen herria da. Baina badu beste altxorrik ere Ormaiztegik. Hala nola trenzubi (viaduc) famatua Alexandre Lavalley frantziar ingeniariak 1863an eraikia. Madril eta Irun juntatzen ditu trenbide horrek. 1936ko gerlan frankisten kontrako gudariek jauzarazi zuten, tropa faxisten aitzinamendua trabatzeko. Ber-eraikia izan zen haatik aski laster. Baina 1996az geroztik ez da gehiago erabiltzen segurtasun eskasagatik eta ondoan trenzubi modernoago bat eraiki da. Monumentu historiko ekarria da geroztik.
Ormaiztegiko bertze altxorra Zumalakarregi museoa da. Jeneral karlista bat zen Tomas Zumalakarregi (1788-1835). Museo horrek erakusketa oso aberatsa eskaintzen du karlismoaz eta karlistadetaz. Hemen ezin ditugu lerro bakar batzuez laburbildu erakusketan agertzen diren argitasun guziak. Irakurleei gomendatzen diegu harat joatea, gidari bikainak badira, hala nola guk ukan ditugun Maria eta Mikel. Erakusketa iraunkor horren ondoan, Maialen Lujanbio bertsolariaren “Soinu ak zeinu ak soinu” behin behineko erakusketa kurios bezain bereziari ere eman diogu behakoa.
Ezkioko Igartubeiti baserri-dolarrea
Baserri-dolarre ikusgarria dauka Ezkiok. Gaur egun oraino sagarnoa ekoizten da hor. Mendigurentarren baserria zen eta hor sortuak dira Xabier eta Iñaki Mendiguren anaiak, idazle ezagunak. Gaur Gipuzkoako Foru Aldundia da jabe, baserriari bere betiko funtzioa atxikiarazten diona. Zurezko arkitektura harrigarria dauka baserriak, dena haritzez. Kristina gidariak argitasun anitz eta anitz eskaini dizkigu, zinez etxe horrek merezi baitu bisita sakona, nornahiri gomendatzen duguna, hain da zoragarria.
Altzoko Handia
Txindoki mendiaren pean den Abaltzisketako Larratz-Gain jatetxean ederki bazkaldurik, kantuek alegeratzen zutela giroa, Tolosaldean den Altzoko Migel Joakin Eleizegiri (1818-1861) egin diogu agurra. Altzoko Handia edo Altzoko Erraldoia deitua zen, 2,41m-ko handitasuna zuelako. Fama handiko gizona izan zen, nahiz beti gizon on, apal eta langilea gelditu den. 2017an, Jon Garañok eta Aitor Arregik egin zuten “Handia” filma, gizon horren omena lau haizetara zabaldu zuena. (ikus ere https://euskaltzaleenbiltzarra.eus/datu/?p=2803)
Berant etorri argazki bat:
Maria gidaria Bittor eta Mizel
